АД МЕПСО ги предупредува земјоделците во екот на жетвата да не поминуваат со комбајните под јажињата на делководите и да ги избегнуваат далеководните траси а во текот на наводнувањето да не поставуваат системи за наводнување под проводните јажиња и во близина на далеководите од преносната мрежа. Водата е проводник на електрична енергија и секој контакт со проводните јажиња го зголемува ризикот од струен удар на лицето кое ракува со системот за наводнување и на други лица коие се наоѓаат во непосредна близина. Воедно апелираме да не се палат стрништа а спортските риболовци да внимаваат при манипулација со риболовните стапови во близина на далеководите.
Не загрозувајте го сопствениот живот и животите на тие што се наоѓаат во ваша близина!
Не загрозувајте ја доверливоста на електропреносниот систем!