Проектот Balkan Digital Highway и неговиот степен на имплементација беше во фокусот на разговорот помеѓу тимот од Светска Банка предводен од Natalija Gelvanovska-Garcia, постар лидер на тим за дигитален развој и Nicole Klingen, менаџер за дигитален развој за Европа, Централна Азија и Северна Африка, и Syrija Rаshidi, генерален директор на АД МЕПСО, директорот на секторот за ИТ Гоце Талески и проект менаџерите Јасмина Кецап и Билјана Каева.
Balkan Digital Highway е регионален проект предводен од Светска Банка и финансиран од Инвестициската рамка на Западен Балкан- WBIF. Негова основна идеја е спојување на оптичките мрежи на електропреносните оператори на Албанија, Црна Гора и Косово, со цел да се зголеми брзината и достапноста на стриминг и интернет пенетрација, да даде дополнителен поттик на ионака добрите односи и бизнисите на сите компании кои имаат свои претставништва на територијата на Западен Балкан.