Билатерална средба АД МЕПСО - КОСТТ

Во функција на регионалната соработка со операторите на преносните системи, генералниот директор на АД МЕПСО, г. Орхан Муртезани заедно со внатрешните директори на АД МЕПСО ја дочека на билатералната средба највисоката делегација на Косовскиот преносен систем оператор - КОСТТ, предводена од генералниот директор г-дин Сабри Мусиќи. На средбата се разговараше за билатерални прашања поврзани со работењето на преносниот систем и функсионирањето на пазарот на електричната енергија.
Со колегите од Косово, исто така, се разговараше за тешкотиите со кои се соочува регионот, како и за интеграцијата и меѓународните механизми за надминување на предизвиците.