Operatori i sistemit elektrotransmetues i Republikës së Maqedonisë së Veriut, Shoqëria Aksionare për transmetimin e energjisë elektrike dhe menaxhimin e sistemit elektroenergjetik, në pronësi shtetërore Shkup, (shkurtuar: ShA MEPSO), me seli në rr. "Maksim Gorki" nr.4, 1000 Shkup duke vepruar sipas Vendimit të Këshillit Drejtues të Shoqërisë, Këshilli Drejtues nr. 02-4964/8-3, prej datës 15.09.2022--------- shpall:
KONKURS
për dhënien e 6 (gjashtë) bursave për studentë të
Universiteti Nënë Tereza - Fakulteti i Shkencave Teknike – Shkup
Të drejtë pjesëmarrjeje kanë vetëm studentët e rregullt të Universitetit Nënë Tereza - Fakulteti i Shkencave Teknike – Shkup, të cilët kanë regjistruar për herë të parë vitin e II-të dhe III-të të studimeve në vitin akademik 2022/2023, në ndonjë nga drejtimet vijuese:
- Sistemet elektroenergjetike,
- Menaxhimi industrial,
- Mekatronikë,
- Inxhinieri mekanike dhe menaxhim.
Kandidatët duhet të plotësojnë kriteret e mëposhtme:
- studenti duhet të jetë student i rregullt i regjistruar në ciklin e parë të studimeve për herë të parë në vitin e II-të ose në vitin e III-të studimor në vitin akademik 2022/2023,
- nota mesatare e studentit deri në datën e aplikimit nuk duhet të jetë më e ulët se 8.0 (tetë),
- studenti të mos jetë përfitues i bursës ose kredisë nga ndonjë ent, institucion ose kompani tjetër;
- të jetë shtetas i Republikës së Maqedonisë së Veriut.
Përzgjedhja dhe selektimi i kandidatëve bëhet nga Komisioni i ndarjes së bursave i përbërë nga 3 (tre) anëtarë, përkatësisht: 2 (dy) anëtarë nga radhët e punëtorëve të ShA MEPSO Shkup dhe 1 (një) anëtar nga Universiteti Nënë Tereza - Fakulteti i Shkencave Teknike – Shkup.
Përzgjedhja e kandidatëve të interesuar për realizimin e së drejtës për bursë do të bëhet në bazë të suksesit mesatar të arritur të studentit deri në datën e aplikimit, pikët e fituara gjatë regjistrimit në fakultet dhe rezultatet e intervistës së zhvilluar, do të kryhet nga Komisioni i ndarjes së bursave sipas metodës në vijim:
- pikët maksimale të fituara nga suksesi mesatar i arritur deri në datën e aplikimit, maksimumi 70 pikë;
- rezultatet nga intervista e zhvilluar, maksimumi 30 pikë.
Shuma e përgjithshme e bursës vjetore është 80.000,00 denarë, dhe përbëhet nga dy pagesa gjashtëmujore nga 40.000 (dyzet mijë) denarë secila. Me kandidatin e përzgjedhur do të nënshkruhet Marrëveshja e ndarjes së bursave.
Secili kandidat plotëson dhe firmos kërkesën me dorëshkrimin e vet, e cila duhet të përmbajë të dhënat e tij të përgjithshme: emrin, mbiemrin, adresën e banimit dhe numrin e telefonit.
Së bashku me kërkesën për të vërtetuar se plotëson kushtet e shpalljes, çdo kandidat duhet të dorëzojë edhe:
- Kopje të dokumentit për identifikim personal,
- Letër motivuese CV,
- Vërtetim për provimet e dhëna nga të cilat do të përcaktohet mesatarja 8,00 e më lartë, lëshuar nga Universiteti Nënë Tereza - Fakulteti i Shkencave Teknike - Shkup.
- Vërtetim i lëshuar nga Universiteti Nënë Tereza – Shkup, se kandidati është i regjistruar në vitin e II-të ose të III-të të studimeve në Fakultetin e Shkencave Teknike, në vitin akademik 2022/2023.
- Deklaratë e nënshkruar me dorëshkrim e vet, se heq dorë nga bursë tjetër nëse merr bursë nga ShA MEPSO.
Shpallja është e hapur 10 (dhjetë) ditë pune nga dita e publikimit.
Kandidatët dokumentacionin e lartpërmendur mund ta dorëzojnë në arkivin e ShA MEPSO ose ta dërgojnë me postë rekomanduese në adresën:
ShA MEPSO Shkup
Rruga "Maxim Gorki", nr.4,
1000 Shkup, Republika e Maqedonisë së Veriut