Operatori i sistemit elektrotransmetues I Republikës së Republikës së Maqedonisë së Veriut, Shoqëria Aksionare për transmetimin e energjisë elektrike dhe menaxhimin e sistemit elektroenergjetik, në pronësi shtetërore Shkup (shkurt:ShA “MEPSO” me seli në rr.”Maksim Gorki” nr. 4, 1000 Shkup, sipas Vendimit të Këshillit Drejtues të Shoqërisë KD nr. 02-2058/7 datë 28.03.2023, në pajtim me Memorandumin e bashkëpunimit, të lidhur në mes të ShA MEPSO dhe Universitetit të Tetovës nr. 03-7184, datë 28.12.2022 shpall:
KONKURS
për ndarjen e 3 (tre) bursave për studentë në Universitetin e Tetovës
Të drejtën e konkursit kanë vetëm studentët e rregullt të Universitetit të Tetovës, të cilët regjistrohen për herë të parë në semestrin e tretë, të pestë ose të shtatë në vitin akademik 2022/2023, në programin e studimit të shkencave kompjuterike ose programit të studimit tëmekatronikës dhe që plotësojnë kriteret e mëposhtme:
- të jetë student i rregullt i regjistruar për herë të parë në semestrin e tretë, të pestë ose të shtatë në vitin akademik 2022/2023;
- nota mesatare e studentit deri në datën e aplikimit nuk duhet të jetë më e ulët se 8.00
(tetë);
- studenti të mos jetë përfitues i bursës ose kredisë nga ndonjë institucion tjetër, ent ose kompani;
- të jetë shtetas i Republikës së Maqedonisë së Veriut.
Zgjedhja dhe përzgjedhja e kandidatëve do të bëhet nga Komisioni i Bursave i përbërë nga
3 (tre) anëtarë përkatësisht: 2 (dy) anëtarë nga radhët e punëtorëve të ShA MEPSO dhe 1 (një) anëtar.
nga Universiteti i Tetovës.
Përzgjedhja e kandidatëve të interesuar për ushtrimin e të drejtës për bursë do të bëhet në bazë të suksesit mesatar të arritur të studentit deri në datën e aplikimit dhe rezultatet e intervistës së zhvilluar, e cila do të kryhet nga Komisioni i Bursave sipas metodologjisë së mëposhtme:
- pikët maksimale të fituara nga suksesi mesatar i arritur i studentit deri në datën e aplikimit (maksimumi 70 pikë);
- rezultatet e intervistës së zhvilluar (maksimumi 30 pikë).
Shuma e përgjithshme e bursës vjetore është 80.000,00 denarë, dhe përbëhet nga dy pagesa gjashtëmujore nga 40.000 (dyzet mijë) denarë secila. Me kandidatin e përzgjedhur do të nënshkruhet Marrëveshja e Bursave.
Secili kandidat plotëson dhe nënshkruan me dorë një fletëparaqitje e cila duhet të përmbajë të dhënat personale të përgjithshme: emrin, mbiemrin, adresën e banimit, numrin e telefonit të kontaktit dhe adresën e emailit.
Së bashku me fletëparaqitjen për të vërtetuar se i plotëson kërkesat e shpalljes, çdo kandidat duhet të paraqesë:
- një kopje të dokumentit personal të identifikimit (në kopjen e dokumentit , duhet të nënshkruajë dhe të shkruajë se pranon që dokumentet dhe të dhënat të përdoren nga ShA MEPSO për qëllimet e konkursit);
- Letër motivuese CV;
- Vërtetim për provimet e mbartura në të cilat do të përcaktohet mesatarja 8.00 e lart, e lëshuar nga Universiteti i Tetovës;
- Vërtetim i lëshuar nga Universiteti i Tetovës se kandidati është i regjistruar në semestrin e tretë, të pestë ose të shtatë në vitin akademik 2022/2023;
- Deklaratë e vetë-nënshkruar se nuk është përfitues i një burse tjetër ose se heq dorë nga një bursë tjetër nëse merr bursë nga ShA MEPSO;
Shpallja është e hapur për 10 (dhjetë) ditë pune nga dita e publikimit të shpalljes.
Kandidatët dokumentacionin e mësipërm mund ta dorëzojnë në arkivin e ShA MEPSO ose ta dërgojnë me postë rekomanduese në adresën:
ShA MEPSO Shkup
Rruga "Maxim Gorki", nr.4,
1000 Shkup, Republika e Maqedonisë