KUMTESË
ShA MEPSO si operator i sistemit nacional elektrotransmtues, aktiviteti i të cilit është transmetimi i pandërprerë dhe i besueshëm i energjisë elektrike për të gjithë konsumatorët, bazuar në analizat dhe kalkulimet gjithëpërfshirëse, dhe në përputhje me Rregulloren për përcaktimin e të hyrave maksimale të ShA MEPSO, brenda afatit të caktuar dorëzoi Kërkesë drejtuar Komisionit Rregullator të Energjetikës për rritje të tarifës së transmetimit . Për periudhën 01.07.2022 deri më 01.07.2023, ShA MEPSO kërkon rritje të tarifës së rregulluar për transmetim për 68% si zgjidhje e vetme në kushtet e një situate gjithnjë e më të komplikuar në tregun e energjisë elektrike. Ndikimin më të madh në këtë kërkesë për rritje të tarifës ka:
- Rritja e shpenzimeve për sigurimin e shërbimeve të sistemit që kryesisht sigurohen nga ana e ESM-së
- Rritja e shpenzimeve për prokurimin e energjisë elektrike për të siguruar humbjet në rrjetin e transmetimit dhe që prokurohen në tregun e hapur.
Arsyet e kësaj kërkese janë të shumëllojshme dhe nuk i dedikohen përkeqësimit të rezultateve të veprimtarisë së kompanisë, por për arsye objektive mbi të cilat ShA MEPSO nuk ka ndikim. Kriza energjetike, e cila filloi të intensifikohej në gjysmën e dytë të vitit të kaluar, ndikoi ndjeshëm në rritjen e çmimeve të energjisë elektrike në bursat botërore, gjë që rriti ndjeshëm kostot e mbulimit të humbjeve në rrjet.
Sa për ilustrim do të theksojmë faktin se ShA MEPSO në vitin 2021 ka shpenzuar 8.6 milionë euro për mbulimin e humbjeve në rrjet dhe këtë vit për shkak të çmimeve të larta të energjisë elektrike në bursë, është llogaritur se do të nevojiten rreth 26.7 milionë euro.
Me kërkesën e mëparshme për korrigjimin e tarifës së transmetimit që ShA MEPSO e ka dorëzuar deri te KRrE , është kërkuar rritje prej 88%, ndërsa Komisioni Rregullator ka miratuar 23.7%.
Pavarësisht përqindjes së lartë që kërkon ShA MEPSO për 12 muajt e ardhshëm, duam të theksojmë se pjesëmarrja e tarifës së transmetimit të ShA MEPSO nuk ka ndikim të madh në çmimin final të energjisë elektrike për konsumatorët dhe po e njëjta është rreth 4%. Të hyrat e vetme që i përmbush ShA MEPSO është tarifa e transmetimit, të cilën e përcakton Komisioni Rregullator i Energjetikës. Mjetet nga transmetimi i energjisë elektrike janë burimi më i madh i financave nga ku kompania siguron likuiditetin e saj dhe mbulon investimet në sistemin e transmetimit që përfshijnë realizimin e projekteve të planifikuara dhe servisimin e rregullt të rrjetit të transmetimit.