Stuhia ndërpreu furnizimin me energji elektrike në qytetin e Dibrës dhe vendbanimet përreth

Stuhia e fortë dhe akulli shkaktuan ndërprerje në furnizimin me energji elektrike qytetin e Dibrës dhe vendbanimet përreth.

Gjegjësisht, pesha e akullit dhe stuhia e fortë në rajonin e Mavrovës dhe Rekës rrëzuan disa pemë me ç'rast një pemë ra mbi një largpërçues prej 110 Kv TS Vrutok - TS Shpilje dhe shkaktoi ndërprerje të furnizimit me energji elektrike.Qendra Nacionale e Dispeçerimit të ShA MEPSO regjistroi një situatë pa tension sot rreth orës 10:35.

Ekipet e MEPSO-s janë në terren, defekti është lokalizuar dhe me të gjitha mjetet punohet për heqjen e tij dhe krijimin e kushteve për rilidhjen e linjës së transmetimit dhe furnizimin e Dibrës dhe zonës përreth me energji elektrike.