Sot, për vizitë zyrtare në TS Manastir 2 ka qëndruar Ministrja e Energjetikës, Sanja Bozhinovska, e shoqëruar nga drejtori i ShA MEPSO Burim Latifi. Duke theksuar rëndësinë e transformatorit të ri 400/110 kV për stabilitetin energjetik të Maqedonisë jugperëndimore dhe të gjithë sistemit nacional energjetik, ministrja deklaroi:
“Lëshimi nën presion apo volltazh të transformatorit në TS Manastir 2 është një pjesë esenciale e infrastrukturës energjetike sepse siguron furnizim të qëndrueshëm të energjisë elektrike për qytetarët dhe ekonimonë në Ohër, Strugë, Resnjë, Manastir dhe Prilep, dhe forcon qëndrueshmërinë dhe besueshmërinë e sistemit transmetues në përgjithësi. Rrjeti ynë ishte i ekspozuar ndaj një rreziku serioz, sidomos për shkak të dy transformatorëve të djegur, me ç’rast u krijua një rrezik real për shembje të të gjithë sistemit elektroenergjetik. Shpresoj që edhe projektet e tjera që janë një rrjedhë do të përfundojnë në kohë dhe me këtë do të sigurohet një garancë furnizimi të qëndrueshëm të energjisë elektrike edhe në periudhën e ardhshme”.
Projekti për prokurimin e transformatorit 400/110 kV ka filluar që nga viti 2023, ndërsa udhëheqësia e re e kompanisë përshpejtoi dhe e finalizoi atë për t'iu përgjigjur nevojave urgjente në rajon, që paraqiten si shkak i temperaturave dimrore dhe rritje të konsumit të energjisë elektrike. Transformatori luan një rol thelbësor në stabilizimin e rrjetit, zvogëlimin e rrezikut të ndërprerjeve në kaskadë dhe sigurimin e besueshmërisë së prodhimit të energjisë elektrike në KME Manastir.
“Dorëzimi i suksesshëm i transformatorit dhe lëshimi i tij në funksion, u mundësua vetëm falë punës ekipore, përkushtimit të ekipeve teknike eksperte të ShA MEPSO dhe koordinimit me ministritë përkatëse të Qeverisë”. I tërë procesi pati sfida të mjaftueshme, por prandaj gjendemi këtu, për të gjetur zgjidhje dhe pikërisht ky transformator ishte zgjidhja e duhur i cili që nga e hëna do të jetë plotësisht funksional. Qytetarët meritojnë rezultate, jo justifikime. “Kompania mbetet e përkushtuar në përforcimin e rrjetit nacional, eliminimin e dobësive të trashëguara dhe sigurimin stabil të furnizimit me energji elektrike për të gjithë qytetarët”, deklaroi drejtori gjeneral Doc.Dr.Burim Latifi.
Me lëshimin në funksion të transformatorit të ri janë eleminuar edhe pengesat e fundit për vazhdimin e projektit për rikonstruksionin e linjës 110 kV nga TS Manastir 1 - TS Prilep 1. Ky projekt është vetëm një nga projektet e shumta që do të gjejnë fillimin apo zbatimin e tyre brenda vitit 2025, vit në të cilin ShA MEPSO feston jubileun e saj të madh, 20 vjet nga themelimi i Kompanisë.