Projekti Balkan Digiotal Highway, bashkoi në një vend të gjithë operatorët e sistemit elektotransmetues të Ballkanit. Në takimin i cili u mbajt në Prishtinë të Kosovës, “ShA Mepso” u përfaqësua nga drejtori gjeneral, Zuhdi Enuz. Në këtë takim u diskutua rreth shkallës së implementimit dhe mundësitë e shumta që ofron ky projekt në drejtim të ndërlidhjes më të mirë të vendeve të Ballkanit Perendimor në nivel nacional dhe rajonal.
Ndër përfitimet komerciale dhe sociale të mundësuara nga Balkan Digital Highway është sigurisht rritja e aksesit në internet për të gjithë qytetarët dhe bizneset nëpërmjet krijimit të një infrastrukture rajonale për një internet më të gjërë, përmes rrjeteve transmetuese të operatorëve shtetëror transmetues.
Balkan Digital Highway, si projekt me mbështetje nga Banka Botërore, si dhe me finansim nga WBIF, pritet të hap rrugën për bashkëpunimin e parë për një lidhje digjitale midis Shqipërisë, Kosovës, Bosnjës dhe Hercegovinës, Maqedonisë së Veriut si dhe Malit të Zi.
Drejtori gjeneral në këtë takim u shoqërua nga anëtarët e Këshillit Drejtues : Nikolla Rillak, Bilen Saliji, Tomi Bozhinovski, Ljupço Zikov si dhe nga menaxherja e projektit Jasmina Kecap.