ShA MEPSO dhe Fakulteti i Shkencave të Informacionit dhe Inxhinierisë Kompjuterike (FShIIK), pranë Universitetit "Shën Kirili dhe Metodi" nga Shkupi, nënshkroi Memorandum bashkëpunimi i cili ndër të tjera do t'u mundësojë studentëve të këtij fakulteti të fitojnë përvojë dhe njohuri nga profesionistët në ShA MEPSO dhe të punojnë bashkërisht në projekte zhvillimore-hulumtuese lidhur me bartjen e energjisë elektrike në dhe nga Republika e Maqedonisë së Veriut.
Me memorandumin e nënshkruar, studentët e FShIIK do të mund të njihen me punën dhe proceset në kompani, një bashkëpunim i ndërsjellë do të zhvillohet në nivel të projekteve aplikative dhe temave të magjistraturës, aktiviteteve konsultative, ofrimi i praktikës për studentët e regjistruar në programet e studimit me interes për ShA MEPSO, si dhe shpërblime dhe bursa për studentët e vitit të fundit.
ShA MEPSO vazhdimisht investon në krijimin dhe trajnimin e personelit nga fusha e elektroteknikës, për të cilët shpresojmë që një ditë të jenë pjesë e ekipit të kompanisë.