Генералниот директор доц. Д-р Бурим Љатифи заедно со високи владини претставници денеска учествуваше на состанок во рамки на Мониторинг мисијата на Европската комисија и Инвестициската рамка за Западен балкан (WBIF), посветен на напредокот на стратешките инфраструктурни проекти во Р.С. Македонија. На состанокот присуствуваа претставници на Европската Комисија, Делегацијата на Европската Унија и претставници на меѓународни финансиски институции, при што беа разгледани тековните активности и предизвиците поврзани со реализација на проектите во енергетиката, транспортот и животната средина.
Љатифи на средбата истакна дека инвестициите во енергетската инфраструктура претставуваат предуслов за зајакнување на енергетската безбедност, за сигурноста на електроенергетскиот систем и интеграцијата на земјата во регионалниот и европскиот енергетски пазар.
МЕПСО останува посветен на реализација на стратешките проекти преку континуирана соработка со меѓународните партнери и надлежните институции, во насока на изградба на модерен, одржлив и целосно интегриран енергетски систем усогласен со европските стандарди.