Проектот Balkan Digital Highway на едно место ги собра сите електропреносни систем оператори од Балканот. На состанокот кој се одржа во Приштина – Косово, АД МЕПСО беше претставена од генералниот директор, Зухди Енуз. На оваа средба се разговараше за степенот на имплементација и бројните можности што ги нуди овој проект во насока на подобро поврзување на земјите од Западен Балкан на национално и регионално ниво.
Меѓу комерцијалните и социјалните придобивки што ги овозможи Balkan Digital Highway секако е и зголемувањето на пристапот до Интернет за сите граѓани и бизниси преку создавање регионална инфраструктура за поширок интернет преку преносните мрежи на државните преносни оператори.
Balkan Digital Highway, како проект поддржан од Светска Банка и финансиран од WBIF, се очекува да го отвори патот за првата соработка за дигитално поврзување меѓу Албанија, Косово, Босна и Херцеговина, Северна Македонија и Црна Гора.
Генералниот директор на оваа средба беше придружуван од членовите на Управниот Одбор: Никола Рилак, Билен Саљији, Томи Божиновски, Лупчо Зиков, како и проект менаџерот Јасмина Кецап.